مشروع العفة فى امة الاسلام

مشروع العفة في أمتنا

"ان الذين يحبون ان تشيع الفاحشه فى الذين امنوا لهم عذاب اليم فى الدنيا و الاخرةو الله يعلم و انتم لا تعلمون" صدق الله العظيم

ياتري انت عارف ايه شيوع الفاحشة اللي بنتكلم عنه وايه الخطر اللي بيحصلنا منه ؟
اكيد حاسس بالفساد الى طغى على مجتمعنا ..فبقيت مش حاسس بالامان؟
عاوز تبعد الخطر ده عنك وعن اولادك وأهلك ؟
عاوز تكون ايجابي ؟
عاوز تعمل حاجه لدينك وترضي بيها ربنا ؟

كمل معانا
( (شيوع الفاحشة عبر وسائل (كثيرة من الاعلام و الميديا الغير مراقبه _التي انتشرت و أصبحت واقع في حياتنا
قيمة الحياء والعفه
زي ما قال رسولنا صلي الله عليه وسلم (ان مما ادرك الناس من كلام النبوة الاولي ...اذا لم تستح فاصنع ماشئت)

طيب دلوقتي انت ممكن تسأل لو انا شاب او بنت متدينة وكويسه الموضوع ده حيمسني ازاي؟ انا كده بعيد ولا بشوف افلام ولا كليبات فيها عري ولا لاقدر الله بعمل حاجه من دي

أقولك يا اخي واختي في الله

احنا كلنا عايشين في مجتمع واحد لما جزء من المجتمع ده يفسد الفاسد ده بينعكس علي باقي المجتمع كله
بمعني

لو انا بنت واستسلمت لشهوه اني أكون جميله (ودي فطرة ربنا خلقها جوه كل بنت بس المهم تصرفها في الطريق اللي ربنا أراده وهو مع الزوج) لو انا قلدت الممثلات والمغنيات ولبست الهدوم دي وبقيت فتنه للشباب وده بسبب معايير الجمال والاخلاق المغلوطة اللي بتقدمها وسائل الاعلام

أكيد نتيجه ده بتنعكس عليها بطريقه مباشره لانها بتكون من الأسباب الأساسية للفتنه

هل لاحظت ان معدل حالات الاعتداء زادت فى السنوات الماضيه؟؟؟20 ألف حالة اغتصاب وتحرش جنسي ترتكب في مصر سنويًّا

طب والبنت المتدينه او الملتزمه بحجابها الشرعي وأوامر ربها للأسف برده بتتعرض للخطر ده وعلي الاقل بتتعرض لمضايقات ومعاكسات وكلام يؤذيها
ولو انت شاب تخيل لو عاوز تلتزم ولاقيت كل الفتن دي حواليك بتشدك لتحت طب والأسوء تخيل لو البنت دي بنتك أو أختك

ها لسه حد حاسس انه بعيد عن الموضوع؟

طب لو فضلنا ساكتين واتعاملنا من الخطر ده بسلبيه ايه اللي ممكن يحصل

طبعا أكبر مشكله هي انتشار الخطر أكتر وانه ممكن يهاجم بيوتنا وبناتنا وشبابنا وطبعا ضياع القيم وانهيار الأخلاق أكتر

في رواية أن الله أمر سيدنا جبريل أن يخسف بقرية في الأرض فقال: يا رب إن فيها عبدك فلان الذي ما زال قائمًا يصلي فقال له: فبه فابدأ قال سيدنا جبريل: كيف يا رب فقال: "لأنه لم يتمعر وجهه من أجلي"، أي لم ينفعل من أجلي ولا احمر وجهه لغضبي؛ لذلك يقول سيدنا عمر بن الخطاب رضي الله عنه توشك القرى أن تهلك وهي عامرة قالوا كيف قال إذا علا فجارها على أبرارها

يعني احنا كمان حنكون في مشكله لو فضلنا سلبيين وساكتين علي الحال ده قال الله تعالي
لُعِنَ الَّذِينَ كَفَرُواْ مِن بَنِي إِسْرَائِيلَ عَلَى لِسَانِ دَاوُودَ وَعِيسَى ابْنِ مَرْيَمَ ذَلِكَ بِمَا عَصَوا وَّكَانُواْ يَعْتَدُونَ كَانُواْ لاَ يَتَنَاهَوْنَ عَن مُّنكَرٍ فَعَلُوهُ لَبِئْسَ مَا كَانُواْ يَفْعَلُونَ
وقال تعالي أيضا

بسم الله الرحمن الرحيم : {وَاتَّقُواْ فِتْنَةً لاَّ تُصِيبَنَّ الَّذِينَ ظَلَمُواْ مِنكُمْ خَآصَّةً وَاعْلَمُواْ أَنَّ اللّهَ شَدِيدُ الْعِقَاب}...سورة الأنفال...الآية25

واحنا خايفين يكون ده مصيرنا ومصيرك لو فضلنا ساكتين

طب ايه الحل وايه اللي في ايدينا نعمله؟
مشروع العفة في أمتنا

احنا؟؟

احنا مجموعه من الشباب نفسنا نعز امتنا و نعمل شىء لديننا و كارهين الفساد الى حوالينا و الفتن الى بتعصف بامتنا و شبابنا .....و دا كله غرض لناس احبت شيوع الفساد فى امتنا
هدفنا نعمل حاجتين 1- نعلى قيمة العفة فى مجتمعنا و نعيد الفطرة فى حياتنا
و2- نحارب الفساد "بكل امكانياتنا" و بطريقة ترضى الله و رسوله _ نحدد العناصر الى عايزين نحاربها و ندرسها و نشوف ايه كل الممكن عمله _العناصر دى زى
النت "مواقع اباحيه_افكار هدامه زىبعض المدونات _ الافلام و الكليبات_ وصلات الكابل الى بتعرض افلام اجنبيه بدون قطع .و.....اكيد فيه حاجات اكتر
و كل عنصر من دول فيه كتيييييييير من الطرق الى ممكن نواجه بيها..... بس مش محتاجين اكتر من الايجابيه من الناس.. و اكيد الحمد لله لسه فيه خير .
اكيد مش محتاجه اقول قد ايه الموضوع دا مضر و مساوءه كتييييييييييييييير و مظاهر الفساد بقت فى مجتمعنا واضحه جداااااااااااااا
و نفس السؤال.... دا ممكن يكون فى مصلحه مين؟؟؟؟؟؟؟؟؟؟ الغرب بيقول عننا ان مصر هتقع لوحدها من غير حتى حصار و لا حرب ..هتقع من الفتن "دا توقعهم و مكرهم" لكن مستحيل دا يكون فى جيلنا و لا حتى ولادنا مش بالكلام لا و الله بالفعل و ان شاء الله ربنا يعييننا

ارجو انك تشاركنا فى مشروعنا لاننا مش بنقول كلام وبس ..لا...احنا عايزين نعمل تغير فى الواقع دا و صدقنى مش محتاج غير انك تكون ايجابى و عايز ترضى رب العالمين

و ترد عنك و عن أهل بيتك اسوء جريمه (ربنا يعافينا جميعا) . خذ القرار؟؟

لو موافق تكون معانا دا عهد بينك و بين رب العالمين ...هطلب منك طلبين

1- ابعت الايميل دا لكل الى يهمك و تتمنى ان ربنا يعز بيه دينه

2- انضم معانا (بإيجابيتك) اقترح عليا .. شاركنا فى المشروع و خطوات تنفيذه

حتلاقينا علي الفيس بوك فى جروب باسم المشروع
حنشرح ايه اللي المفروض نعمله وايه الحلول اللي قدرنا وصلنالها
طبعا أفكارنا لوحدنا مش كفايه عاوزين كمان أفكاركم معانا
أدخل علي جروبنا وابعت رد أو قتراح

besmellah_73@ hotmail.com

لو عاوز تشارك فعلا في تنفيذ الأفكار الايميل ده

علشان تكون معانا و لو عندك مشروع يكمل اهدافنا نتمنى نساعد بعض فى تحقيق حلمنا "عزة امتنا".و

ابعتلنا ايميلك وحنبعتلك عليه كل المشاريع أو الخطوات اللي عايزين ننفذها

و تذكر اننا ندافع عن دين الله بشرع الله .. ندافع عن سنه الحبيب بمنهجه
وتذكر أأمر بالمعروف بمعروف ..وانه عن المنكر بغير منكر

نشكر لك اهتمامك